XJ Portfolio ավտոմեքենայի բազմաֆունկցիոնալ նստատեղերն ապահովում են հարմարավետության բարձրագույն մակարդակ: Դուք և Ձեր ուղևորները կգնահատեք Soft Grain ծակոտկեն կաշվով լրամշակված նստատեղերի տաքացման առավելությունները: Նստելով ղեկին՝ ուշադրություն կդարձնեք հարմարավետ բարձին, կողային գլանաբարձիկներին և 18 հարաչափով կարգավորվող գոտկատեղային օժանդակմանը, իսկ կարգավորումների հիշողության ֆունկցիան կօգնի սկսել յուրաքանչյուր ուղևորություն Ձեզ համար ամենահարմար դիրքով: 

Սարքավորումների վահանակի Soft Grain կաշվով լրամշակված վերին հատվածը լրացնում է ինտերիերը՝ ցուցադրելով պրեմիում կարգի նյութերից պատրաստված յուրաքանչյուր մասնիկի իրականացման վիրտուոզ մակարդակը:

Համերգային հնչողության ողջ հարստությունը: 825 Վտ հզորությամբ համակարգն ապահովում է ձայնի անգերազանցելի որակ, ինչին նպաստում են 20 բարձրախոսները, 15-ալիքանի D կարգի թվային ուժեղացուցիչը, Audyssey MultEQ էքվալայզերը, 7.1 ձևաչափի ծավալայինի ձայնն ու Trifield տեխնոլոգիան:

Տեղավորեք Ձեր Jaguar-ի էլեկտրոնային բանալին գրպանում կամ պայուսակում, և Ձեր XJ-ի փականները կբացվեն ավտոմատ կերպով՝ այն պահին, երբ դիպչեք դռան բռնակին:  Շարժիչը գործարկվում է կոճակի մեկ հպումով: Դռների չափաբերիչներն ապահովում են դռների սահուն և հուսալի փակում նվազագույն ճիգերով: 

ԻՄԱՆԱԼ ԱՎԵԼԻՆ ԱՆՎՏԱՆԳՈՒԹՅԱՆ ՄԱՍԻՆ

InControl Touch Pro համակարգը հանդիսանում է XJ-ի ստանդարտ սարքավորում և համատեղում է նոր սերնդի ապարատային և ծրագրային լուծումներ, որոնք XJ-ին պարգևում են կապի և ժամանցի լայն հնարավորություններ: Արագ արձագանքի, ինտուիտիվ հասկանալի օգտատիրական ինտերֆեյսի և գրաֆիկական պատկերների բարձր որակի շնորհիվ այս համակարգը ավելի թեթև ու հաճելի է դարձնում ուղևորությունները:

* Կախված է շուկայից:

ԻՄԱՑԵՔ ԱՎԵԼԻՆ ԱՎՏՈՄԵՔԵՆԱՅԻ ՍՐԱՀԻ ՏԵԽՆՈԼՈԳԻԱՆԵՐԻ ՄԱՍԻՆ

XJ-ի ամբողջովին լուսադիոդային էներգախնայող լուսարձակներն ապահովում են հավասարաչափ լուսավորություն՝ բարելավելով տեսանելիությունն ու երաշխավորելով հարմարավետությունը: Այս լուսարձակների լույսն առավելագույնս մոտեցված է ցերեկայինին, ինչը թույլ է տալիս մարդկային աչքին ավելի լավ տարբերել օբյեկտները: 

Համայնապատկերային տանիքի ջերմաարտամղիչ ապակին ձգվում է մինչև հետևի շարքի նստատեղերը: ՈՒՄ-զտիչով ապակյա տանիքի միջով սրահ ներթափանցող բնական լույսը տեսողաբար ընդլայնում է տարածությունը, իսկ գունամշակումը ստեղծում է մեկուսության զգացողություն: 

Անկախ եղանակից՝ ճանապարհածածկին ադապտացման համակարգը (ASPC) օգնում է XJ-ին հաղթահարել վատ կցորդումը՝ թույլ տալով Ձեզ կենտրոնանալ միմիայն ղեկային կառավարման վրա: Այն ներկայացնում է ցածր արագություններով աշխատող կրուիզ կոնտրոլ, որն ապահովում է սահուն մեկնարկ սայթաքուն մակերեսների վրա և վերահսկում է արագությունը կտրուկ լանջերին: 

Սահուն կարգավորում է ղեկային կառավարումն ու դրոսելային փականի աշխատանքը: Ընտրեք առաջարկվող ռեժիմներից որևէ մեկը՝ Normal («Առօրյա»), Dynamic («Դինամիկ») կամ Rain Ice Snow («Անձրև/Սառույց/Ձյուն»): Դինամիկ ռեժիմում դրոսելային փականն ավելի կտրուկ է արձագանքում, ղեկը ծանրանում է: «Անձրև/Սառույց/Ձյուն» ռեժիմի ընտրությունը հանգեցնում է արագացման ճնշմանն ու հզորության ավելի սահուն հաղորդմանը, ինչն ապահովում է ավելի կայուն շարժում սայթաքուն մակերևույթների վրա: 

ԻՄԱՆԱԼ ԱՎԵԼԻՆ ԱՎՏՈՄԵՔԵՆԱՅԻ ՍՐԱՀԻ ՏԵԽՆՈԼՈԳԻԱՆԵՐԻ ՄԱՍԻՆ